越一越南牛肉粉專門店 (已結業)

荃灣區嘅泰國菜館日本放題多不勝數，突然想吃越南嘢， 終於找到間越式餐館，裝修簡潔整齊， 進入去服務員好殷勤招待，坐低後看看餐牌已經好吸引，大部分菜式都有圖文並茂。越一招牌併盤併盤賣相好精緻，有炸春卷，炸蝦餅，大大塊香茅豬扒，香茅雞翼，用生菜包住炸春卷吃，入口香脆多汁，春卷比一般極之滋味又唔肥膩，一試回味無窮。其餘豬扒，雞翼夾住蔥油齊吃都好好味。扎肉湯檬扎肉湯檬大大碗唔只有扎肉，另配三隻大蝦， 簡直喜出望外，經濟抵食，個湯底都唔錯，幾好味。柚子沙律柚子沙律內有大蝦，加埋香脆碎花生，柚子肉大大塊，配個酸甜汁，非常之冶味，相比泰國菜館，這道菜經濟抵食值得一讚。扎肉蒸粉包扎肉蒸粉包熱騰騰咬一口，肉汁由粉皮滲出來，亦是一道唔錯嘅小食。菠蘿冰菠蘿冰原隻菠蘿上，賣相非常之吸引，飲一口波蘿汁，再食到一塊菠蘿肉， 清甜又新鮮 ，越飲越好味， 呢款飲品老少咸宜，值得推介。滴滴咖啡滴滴咖啡較為失色，牛奶可自行加減會更好，適合唔同口味嘅客人。試左呢間越式餐點後，心想要盡快再去試吓其他款式嘅食品。 冇加一，真係經濟實惠。