影片
更多
2019-12-09
1336 瀏覽
成日食apm食到悶悶地，趁週末一於試下隔離亞太中心既餐廳！其中最出名就係呢間好多人推介嘅西餐，環境舒適，食物水準穩定地高。餐廳係偏向酒吧風格，入面裝修充滿美國元素，座位好闊落，檯面亦夠大擺大大隻既西餐碟，用餐體驗十分唔錯！晚餐有SET DINNER或者正常MENU散叫。今次SET就選擇咗PIZZA，亦叫咗品評唔錯既美國泰勒太平洋石蠔一試。生蠔非常新鮮，食落好清甜好FRESH，蠔身亦好厚肉，唔算太重海水味，不過鮮味真係好出！$88 四隻呢個價錢無得頂！覺得點Dinner Set既主要原因都係因為依個價可以食到4隻靚蠔跟SET餐湯係腰豆蓉湯，第一次試感覺幾特別味道係ok既，淡淡既豆香。另外隨餐亦都有個MGB小食拼盤，係一人份量。香草雞翼炸得好香口，仲有巴馬火腿、風乾牛肉同Feta Cheese，每樣淺嘗都夠🤭質素不錯，火腿有咸香，牛肉軟稔。main簡左意大利辣肉腸煙肉薄餅成個薄餅都舖滿層層芝士，真係好多好多芝士，食落好有咸香，再有濃郁茄膏底加埋辣肉腸煙肉肉香，其中一個PIZZA既必勝材料配方！熱辣辣食唔停！另外叫一份美國star ranch黑毛安格斯西冷10oz牛扒配黑松露薯條。烤得好靚，
餐廳係偏向酒吧風格，入面裝修充滿美國元素，座位好闊落，檯面亦夠大擺大大隻既西餐碟，用餐體驗十分唔錯！
晚餐有SET DINNER或者正常MENU散叫。今次SET就選擇咗PIZZA，亦叫咗品評唔錯既美國泰勒太平洋石蠔一試。
生蠔非常新鮮，食落好清甜好FRESH，蠔身亦好厚肉，唔算太重海水味，不過鮮味真係好出！$88 四隻呢個價錢無得頂！覺得點Dinner Set既主要原因都係因為依個價可以食到4隻靚蠔
跟SET餐湯係腰豆蓉湯，第一次試感覺幾特別
味道係ok既，淡淡既豆香。另外隨餐亦都有個MGB小食拼盤，係一人份量。
香草雞翼炸得好香口，仲有巴馬火腿、風乾牛肉同Feta Cheese，每樣淺嘗都夠🤭質素不錯，火腿有咸香，牛肉軟稔。main簡左意大利辣肉腸煙肉薄餅
成個薄餅都舖滿層層芝士，真係好多好多芝士，食落好有咸香，再有濃郁茄膏底加埋辣肉腸煙肉肉香，其中一個PIZZA既必勝材料配方！熱辣辣食唔停！
另外叫一份美國star ranch黑毛安格斯西冷10oz牛扒配黑松露薯條。
烤得好靚，一格格炭燒網紋好吸引呢。有賣相，味道口感都一樣有，點左Medium，完全無overcook，超正！切開唔會有血水唔韌，肉質鮮嫩有肉汁，牛肉味好濃，配上簡單燒汁已經好好味，而且肥膏比例好，少少肥油好惹味！ 
SIDE DISH 仲加咗個芝士蟹肉焗蘆筍，雖然細細碟，但蟹肉都俾足料，啖啖肉之餘食下清新既蘆筍啦。
甜品就叫咗藍莓梳乎厘&蘋果奶酥配吉士醬，兩樣甜品都真係有心機去整。
梳乎厘淨係賣相已經令人流口水，即叫即焗香噴噴，甜度適中，夾埋佢個雲呢拿雲糕食，不出兩分鐘已經成個食晒。
蘋果奶酥，焦糖蘋果碎再配上奶酥碎，有果甜亦有口感！
總結係十分推薦觀塘依間西餐廳，食物有誠意，性價比幾好！
張貼
