水門雞飯 (蟾宮大廈)

營業中

休息中

鍾情泰國船河，香港普遍嘅泰國餐廳，都做唔到嗰種效果，但呢一間餐廳，都做到9成，仲要唔貴。二人前，叫咗「牛肉湯牛丸生牛肉河粉」同埋「水門雞飯」，再加咗個「炸黃門鳝魚皮」，嘢飲就叫咗「泰式凍檸茶」同埋「傳統Thai Tea」。首先講咗個河粉先，湯夠濃，做到泰式嗰隻黑蚊蚊嘅湯底，牛肉同牛丸都好夠味，有口感，河粉都算滑，但比起係泰國食嘅，始終都係爭少少。雞飯就唔算好特別，不過個汁都做得好好味，另外每人都有一碗雞湯，好好飲，偏辣嘅👍🏻個炸魚皮好好味，因為已經好少地方可以食到有骨魚皮，值得推介👍🏻👍🏻飲品方面就冇泰國咁甜，所以更加啱口味。