影片
更多
2017-12-23
250 瀏覽
女仔大都係鍾意食環境，臨近聖誕，我同好朋友難得一聚，黎到一間充滿聖誕氣氛嘅西班牙餐廳。周圍都擺放住聖誕裝飾，好有節日氣色啊！先黎嘅係飲品，我果杯洗鮮雜果Mojito，微微嘅薄荷味，帶有清甜嘅果香，讚！頭盤叫左西班牙多士拼盤，總共有五件。每件多士嘅topping都唔同架，有牛肉蟹鉗、鮑魚、忌廉磨菇、火腿蜜瓜、同埋煙三文魚，總有一款啱你口味。我最鍾意牛肉蟹鉗同埋鮑魚，燒牛肉牛味濃唔會乾，估唔到同蟹幾搭配。鮑魚有別於中式嘅味道，係甜甜地嘅，好有咬口。多士鬆化脆身，加上蒜牛油蓉焗，特別香口惹味。我同朋友都特別鍾意食海鮮，所以點左海水啤酒海鮮火鍋。有蝦、帶子、蜆、海螺同埋蟹鉗，全部都好新鮮好甜美。尤其係蝦特別好食，爽口彈牙。湯底值得一讚，唔會太濃，微辣反而帶出海鮮原本嘅鮮味，唔洗點醬汁都已經好滋味。原來茶壺造型嘅鍋唔只係gimmick黎，仲有作用架，就係俾客人品嚐埋火鍋嘅湯底。海鮮嘅精華落曬湯底所以好甜，加埋酒香同埋海水微微嘅咸味，簡直滋味滿分。雖然有少少辣，但係我都忍唔住飲左好多杯。甜品方面，雜果麻糬窩夫實在係睇得又食得！口感軟Q嘅窩夫形狀好似一朵花，雜果色彩繽紛，好吸引！值得一提係有新鮮無花
先黎嘅係飲品，我果杯洗鮮雜果Mojito，微微嘅薄荷味，帶有清甜嘅果香，讚！
頭盤叫左西班牙多士拼盤，總共有五件。每件多士嘅topping都唔同架，有牛肉蟹鉗、鮑魚、忌廉磨菇、火腿蜜瓜、同埋煙三文魚，總有一款啱你口味。我最鍾意牛肉蟹鉗同埋鮑魚，燒牛肉牛味濃唔會乾，估唔到同蟹幾搭配。鮑魚有別於中式嘅味道，係甜甜地嘅，好有咬口。多士鬆化脆身，加上蒜牛油蓉焗，特別香口惹味。
我同朋友都特別鍾意食海鮮，所以點左海水啤酒海鮮火鍋。有蝦、帶子、蜆、海螺同埋蟹鉗，全部都好新鮮好甜美。尤其係蝦特別好食，爽口彈牙。湯底值得一讚，唔會太濃，微辣反而帶出海鮮原本嘅鮮味，唔洗點醬汁都已經好滋味。
原來茶壺造型嘅鍋唔只係gimmick黎，仲有作用架，就係俾客人品嚐埋火鍋嘅湯底。海鮮嘅精華落曬湯底所以好甜，加埋酒香同埋海水微微嘅咸味，簡直滋味滿分。雖然有少少辣，但係我都忍唔住飲左好多杯。
甜品方面，雜果麻糬窩夫實在係睇得又食得！口感軟Q嘅窩夫形狀好似一朵花，雜果色彩繽紛，好吸引！值得一提係有新鮮無花果，好清甜。
張貼
