英王麵包店

營業中

休息中

我一向都好鍾意食芝士蛋糕，所以都試過不同嘅芝士蛋糕。今次推介A-1 Bakery嘅焦糖芝士蛋糕。我記得好多年前，喺荃灣個分店A-1 Bakery有推出英式下午茶，當時的店係可以坐嘅。可惜呢一間冇設位置坐，加上西餅蛋糕多數只能不設堂食。所以今次，只能買回屋企食，不過反而咁樣可以慢慢品嚐。賣相非常好看，面層係焦糖，增加脆脆嘅口感，亦都增加甜嘅味道，配合下層嘅濃厚芝士味蛋糕，簡直一流。蛋糕鬆軟，濕潤，同其他嘅芝士蛋糕唔同，無油膩嘅感覺，反而更加有似海綿嘅口感。芝士味濃郁，偏甜，可能因為咁樣反而冇咁油膩。一個蛋糕，幾日早餐就食完，值得再回購。可惜嘅係，我見到好似吾係日日都會出貨，或者可能我咁啱經過時買晒掛，所以大家如果咁岩見到，就一定要把握機會買啦。