OMG Chicken (已結業)

姪仔開始放暑假, 知道佢中意食PIZZA同炸雞, 帶咗佢去附近一間叫OMG chicken, 呢度能夠滿足哂佢。平日入夜時段未見人流, 順利安排入座。記得上年同丫女黎過, 食物款式選擇比之前多。PIZZA類有兩個size選擇, 人少少都可以叫個9”細嘅share食。千島海鮮PIZZA(9”)IZZA相當足料, 配料密集式平均分佈, 包括有帶子仔、墨魚仔、蝦、青椒絲、菠蘿粒, 所有食材被芝士黏附著, 熱辣辣時仲可以拉絲, 餅底鬆脆, 包質軟綿, 每啖都食到好豐富嘅層次, 超正!烤雞同樣有4件/8件選擇,法式蜜糖汁烤雞: 外皮烘至金黃, 微脆香口, 掃咗好薄又甜甜地嘅蜜糖係面, 肉質嫩又juicy, 特別係雞搥, 啖啖肉; 另外配多一碟蜜糖醬汁, 喜歡食濃味一d, 可以自行沾上食, yummy~最後小朋友當然食埋甜品先叫滿足啦。order咗件半熟芝士蛋糕,蛋糕偏濕潤, 入口幾乎係半溶狀, 芝士味很重, 配上薄薄餅底, 平衡到濃度, 沾上士多啤梨醬, 好食得連大人小朋友都搶住食。