北料南麵 (已結業)

今日去開深水埗買電腦零件，格價格到腳都軟，突然好想食一碗辣辣哋嘅麵，於是乎就走咗入呢間麵舖度食嘢，叫咗一碗豬潤小辣麵 ，麻辣豬耳，同一杯豆漿。先來一碗麻辣豬潤麵上面有五六塊非常厚切嘅豬潤， 師傅嘅手勢認真一流，竟然可以將成塊豬潤整到唔鞋口，非常滑溜， 剛好熟嘅豬潤口感真係一流！麻辣湯底非常地道，會見到上面有少少麻籽， 湯底濃郁，麻辣味非常刺激！完全唔係連鎖米線鋪嗰啲麻辣湯底，面身亦好彈牙爽口 ，有衝動想叫多一碗！麻辣豬耳好乾身，有少少蒜蓉喺面，爽脆彈牙！值得一試另外豆漿睇得出係誠意之作， 似係自家製作