Le Viet (已結業)

今日同男朋友去食Le viet旺角店，意外驚喜。牛油雞翼少不免會用不少牛油去炸，但因為炸果時油溫高，完全做到封鎖肉汁而且不過份油膩，口感香脆。金不換白酒煮蜆配法包白蜆肉粒粒都好大粒，漲卜卜咁，一口咬落下有海鮮味出黎。無沙、有淡淡白酒香停留在口內。初頭覺得配法包怪怪地，但食落又出奇地夾，法包沾少少白蜆汁，既鮮味又有酒香，好味。香茅燒豬頸肉撈檬份量很大，起碼有9塊豬頸肉，豬頸肉肉質彈牙，外皮微焦而肉汁仍保留到。撈檬既汁酸甜度適中，可以自己決定落幾多。越式火車頭酸辣鍋牛肉、牛腩好淋，酸甜度好平衡，不過份量細左d。芒果糯米飯椰汁調節得好，糯米煙韌但不黏牙。芒果好好好甜。