餃掂手工餃子雲吞專門店

呢間餃子舖真心推介，好食👍🏼小編本身唔係特別鍾意食餃子，因為食過好多都好肥膩多肉，又大大隻咁，一係就超市買急凍嗰啲，所以印象都唔係咁好。但跟朋友試左呢間之後就對餃子改觀，宜家都幾鍾意😂整體黎講，餃子好足料，又唔會太多，份量啱啱好，食落無滯膩感。個餃子皮厚度適中，薄薄地，煙韌度亦都剛好，好滿意小編比較鍾意湯餃，所以叫左兩份。第一份係大白菜豬肉餃，菜同肉味都好香，而且好夾，係呢度算係小編最鍾意食嘅款色。份量同大細都啱啱好。粟米好多同好香，配湯煮法最適合。個湯唔係味精湯，真材實料，好飲。黑白松露煎最好食，煎得好香又啱啱好，皆因小編好怕太燶，呢個好滿意。入面好足料，松露味好香口，正除左餃子我地仲叫左啲小菜同麵。個菜都幾抵食，份量多又新鮮，而且落勁少油煮，正😂呢度個麵好彈牙同香麵粉味，送餃子一流開田小菜叫左青瓜同雲耳，都係好好食呀～鍾意食餃子嘅朋友記得黎試下呀～