食驗室 (D2 Place) (已結業)

今日返工勁忙，多嘢做到喊😭，諗住放 lunch 喺附近嗱嗱聲食啲嘢就算。經過 D2 Place 2 期上咗 3 樓，見到呢間 Fat Lab 覺得幾有型就行咗入去。隨意點咗份芝士拉絲蘑菇煙肉墨西哥餡餅 ($48) 🥙，再加咗杯假日雪莉 ($18)🍹。等咗陣就上餐，都算好快手吓🤩，啲員工都幾有禮貌。杯飲品唔錯，份蘑菇煙肉 Quesadilla 喺足料有口感嘅，簿餅外層香脆😋，但我覺得芝士可以再多啲，未真係做到芝士拉絲嘅效果🤔。店舖隔離有塊玻璃，見到哂成個製作過程，感覺都幾衞生。另外一邊有張枱，我就企咗喺旁邊食嘢，有埋櫈會更加正🙌🏻。整體嚟講都算唔錯，價錢合理，好啱趕時間或者想買外賣返公司食嘅人。 下次會想再嚟，試埋丼飯或者 Burger，睇相好似好吸引咁🤤。