金風小館 (已結業)

之前已幫襯過幾次金風，佢湯底款式特別多，性價比高，係上水黎過真係搵唔到第二間做任食好似佢咁抵食，而佢既湯亦都非常出色，唔似出面D湯底咁淡，可以先飲湯再打邊爐。今晚同朋友再去食，叫左佢個沙嗲湯底，沙嗲味非常濃郁，充滿花生香，另外再點左佢而家做緊特價既牛肉拼盤(收費項目)，食落牛味濃有口感，打完邊爐最後落個出前一丁，麵身索滿沙嗲汁，非常惹味。而家去食仲有糖水同埋甜品送，非常抵食，值得推薦各位朋友去試。