影片
更多
2021-09-25
220 瀏覽
一向喜歡來這間餐廳吃下午茶，因為非常喜歡佢嘅泡沫鮮奶綠茶，及精美的蛋糕或者下午茶的小食，例如單邊雞翼。再加上平時下午茶真心抵食。不過要平日食到下午茶真係要放假先得，所以都唔容易。今日係中秋節翌日的公眾假期， 11:40去到已經要排隊，不過排咗半個鐘就可以入座。但由於係公眾假期，所以連午餐都沒有套餐。😐然後見到佢嘅餐牌有一個哈根大師加飲品的推廣，小朋友梗係鍾意食雪糕啦，所以都打算叫嚟試吓，點知我哋點選嘅時候，侍應首先就話：「唔可以分開上，一定要一齊嚟，即係杯飲品唔可以上先。」同埋仲好嚴重提醒我哋，這個飲品加雪糕要等35至45分鐘。😮😮😮其實成個態度都好似唔想我哋嗌咁。咁就算囉，其實出面都有得食哈根大師的雪糕。🙄🙄🙄最後叫咗黑松露軟殼蟹意粉，味道係好食嘅，軟殼蟹香脆可口。當然一定要叫我最喜愛的泡沫抹茶鮮奶，請留意，這杯飲品的上枱時間是落單後5分鐘左右，其實係幾高效嘅，所以更加奇怪點解佢哋推廣嘅哈根大師雪糕加飲品要需時咁耐。即使啲食物，都係10分鐘左右就送到。🤔🤔🤔另外嗌咗個全日早餐，咩都有得食，比較驚喜嘅係水泡形狀的窩夫，香軟可口。不錯不錯👍🏻👍🏻😵💫😵💫😵💫佢哋有一位服務員嘅服務就
今日係中秋節翌日的公眾假期， 11:40去到已經要排隊，不過排咗半個鐘就可以入座。
但由於係公眾假期，所以連午餐都沒有套餐。😐
然後見到佢嘅餐牌有一個哈根大師加飲品的推廣，小朋友梗係鍾意食雪糕啦，所以都打算叫嚟試吓，點知我哋點選嘅時候，侍應首先就話：「唔可以分開上，一定要一齊嚟，即係杯飲品唔可以上先。」同埋仲好嚴重提醒我哋，這個飲品加雪糕要等35至45分鐘。😮😮😮其實成個態度都好似唔想我哋嗌咁。咁就算囉，其實出面都有得食哈根大師的雪糕。🙄🙄🙄
最後叫咗黑松露軟殼蟹意粉，味道係好食嘅，軟殼蟹香脆可口。
當然一定要叫我最喜愛的泡沫抹茶鮮奶，請留意，這杯飲品的上枱時間是落單後5分鐘左右，其實係幾高效嘅，所以更加奇怪點解佢哋推廣嘅哈根大師雪糕加飲品要需時咁耐。即使啲食物，都係10分鐘左右就送到。🤔🤔🤔
另外嗌咗個全日早餐，咩都有得食，比較驚喜嘅係水泡形狀的窩夫，香軟可口。不錯不錯👍🏻👍🏻
😵💫😵💫😵💫佢哋有一位服務員嘅服務就麻麻哋啦，首先放低食物嘅時候，唔係好有禮貌咁樣要我地幫手攞開啲餐牌；到我哋未食晒，然後又好急想收起我哋啲碟，於是我好認真咁同佢講我哋每一碟都未食完，然後佢就話今日好多人客。（註：當時我入左座大約係35分鐘左右，其實我唔係去快餐店囉，佢係一間餐廳…）
總結：食物質素良好服務態度有待改善。
張貼
