影片
更多
2021-07-21
825 瀏覽
夏口炎炎冇咩胃口，最岩歎住冷氣食川菜，又酸又辣，刺激味蕾每一寸。之前經過十二味黃埔店見到好多人排隊已經好想試下，估唔到今次機緣巧合下朋友帶左我去旺角店品嘗。旺角店位於樓上鋪，店面好細，可以容納人數唔多，因為冇訂座，我地等左大約15分鐘先有位。入座時店員提醒餐廳用膳時間限1.5小時。值得一提，成為會員有9折優惠。涼拌土豆絲酸酸辣辣，越食越想食，土豆絲爽脆，係一道唔錯既開胃菜。酸菜魚（+寬粉）好大一盤酸菜魚！酸菜魚既湯底係整道菜既靈魂，第一時間試下個湯底先。湯頭酸辣惹味，越食越過癮，味道同內地酸菜魚專門店的有7,8成似，呢個辣味岩岩好，似乎更迎合香港人口味。魚肉彈牙嫩滑，唔會一夾就散，味道恰到好處，冇腥味，不過有幾片魚肉上有1-2粒魚骨。酸菜份量頗多，味道唔會過酸或過咸，我地全部食曬，一點都唔浪費。加$26有寬粉，口感煙軔，份量較少。乾煸肥腸唔好見到咁多辣椒以為會好辣，其實辣度比酸菜魚低。爆炒後既豬大腸好香，又唔油膩，不過稍為軔左點。一道唔錯既下酒菜。一邊飲酒，一邊係辣椒堆入面找尋每一舊肥腸。乾煸四季豆有辣或有唔辣，任君選擇，我地揀左唔辣。四季豆炒完仍保持爽口翠綠，味道咸香，好快清曬。但欖
之前經過十二味黃埔店見到好多人排隊已經好想試下，估唔到今次機緣巧合下朋友帶左我去旺角店品嘗。
旺角店位於樓上鋪，店面好細，可以容納人數唔多，因為冇訂座，我地等左大約15分鐘先有位。入座時店員提醒餐廳用膳時間限1.5小時。
值得一提，成為會員有9折優惠。
涼拌土豆絲
8 瀏覽
1 讚好
0 留言
涼拌土豆絲
酸酸辣辣，越食越想食，土豆絲爽脆，係一道唔錯既開胃菜。
人見人愛酸菜魚
18 瀏覽
0 讚好
0 留言
酸菜魚（+寬粉）
好大一盤酸菜魚！
酸菜魚既湯底係整道菜既靈魂，第一時間試下個湯底先。湯頭酸辣惹味，越食越過癮，味道同內地酸菜魚專門店的有7,8成似，呢個辣味岩岩好，似乎更迎合香港人口味。
魚肉彈牙嫩滑，唔會一夾就散，味道恰到好處，冇腥味，不過有幾片魚肉上有1-2粒魚骨。
酸菜份量頗多，味道唔會過酸或過咸，我地全部食曬，一點都唔浪費。
加$26有寬粉，口感煙軔，份量較少。
乾煸肥腸
14 瀏覽
0 讚好
0 留言
乾煸肥腸
唔好見到咁多辣椒以為會好辣，其實辣度比酸菜魚低。爆炒後既豬大腸好香，又唔油膩，不過稍為軔左點。
一道唔錯既下酒菜。
一邊飲酒，一邊係辣椒堆入面找尋每一舊肥腸。
乾煸四季豆
9 瀏覽
0 讚好
0 留言
乾煸四季豆
有辣或有唔辣，任君選擇，我地揀左唔辣。
四季豆炒完仍保持爽口翠綠，味道咸香，好快清曬。但欖菜肉粒實在太咸，食唔曬，要叫白飯先食到。
熱情果蘇打
10 瀏覽
0 讚好
0 留言
熱情果蘇打
超大杯飲品勁吸精，一入餐廳已經見到，天氣咁熱一口氣飲半杯勁爽
熱情果味香，不過有點太甜。
紅糖糍粑
12 瀏覽
0 讚好
0 留言
紅糖糍粑
糍粑擺盤好靚，感覺幾正宗。
由糯米粉製成，岩岩炸起，熱辣辣，外皮脆內裡軟，灑上黃豆粉。本身糍粑同黃豆粉冇味，要靠蘸紅糖漿調味。
紅糖漿粘粘稠稠，味道好香好甜
總體而言：
味道：色香味俱全川菜
性價比：價錢唔算平，但份量都合理
服務：職員服務周到，不過由於餐廳座位少，我地岩岩食完野，大概1個鐘左右，店員已經開口趕，有點掃興。
環境：裝修好有中國風
張貼
