尚點 小籠包.上海麵館 (置富第一城) (已結業)

在第一城商場開飯，正苦惱緊食乜好，見到上海菜餐廳，即刻心心眼行左入去。店內裝修優雅，枱與枱之間分隔得好遠，保持社交距離。細細碟前菜涼拌粉皮花生醬香濃，但唔夠幼滑，粉皮較薄，普普通通。6分拍青瓜（是日前菜）青瓜爽脆入味，蒜蓉香味同蝦米鮮味明顯，讚！9分鮮肉小籠包小籠包上枱熱騰騰冒煙，非常吸引，肉餡鮮味結實，用料唔錯，如果小籠包湯汁多一d會更好。因為漏單，等左差唔多一個鐘，幸得店員多次主動向廚房催單。8分鍋貼餡料唔錯，外層煎到金黃，賣相吸引，不過外皮較厚，整體一般。6分上海擔擔麵香濃花生醬湯底，配合小小辣，非常惹味。拉麵麵質一般，不過不失。雖然冇花生碎，正唔正宗唔敢講，但整體唔錯，可以一試。7分*擔擔麵內有蝦米，蝦敏感人士要注意。菜脯肉碎炒飯炒飯有肉碎.菜脯.蛋.蔥，份量好多，頗有鑊氣，炒得好香。不過飯粒太硬，嚼到牙較都軟，油比較多，菜脯切得太細，影響口感。6分豆漿豆漿好似係用沖劑，唔係自家磨，表面有白色粒粒浮面，冇豆味，但味道可以，甜度適中。6分柑桔酸梅湯味道好似九製陳皮沖水，飲唔慣，感覺中伏。4分杞子桂花糕甜度適中，口感Q 彈，係填寫顧客意見書贈送既甜品。總體而言：味道：佐料同其他上海