有緣小敍

營業中

休息中

第一道菜係香煎羊架，一上枱就聞到陣陣羊肉香，煎得外皮微脆，內裏仲保留到肉汁，咬落去好嫩滑。佢嘅調味唔算太重，孜然同香料嘅味道突出但唔會搶咗羊肉嘅鮮味，份量都夠多，幾個人分都唔覺得少。煎得啱啱好，油香同肉味平衡得宜，食完真係有啲滿足感😋。跟住點咗麻辣大盤雞，呢個係招牌菜之一。大盤雞上枱時熱氣騰騰，雞塊份量十足，仲有大片薯仔同菇類，湯汁濃稠帶微辣，辣度啱啱好唔會太嗆。加咗Biang Biang麵之後更加有驚喜，麵條闊而長，口感煙韌又有彈性，吸滿咗麻辣湯汁，每啖都好入味，層次感好夠🌶️。之後試咗醬骨架，呢個肉質炆得軟腍。醬汁濃郁，帶點甜同鹹嘅平衡，骨邊嘅肉好多，食落好juicy。完全唔覺肥膩，醬料滲入骨髓，連骨邊嘅軟骨都好有味道。🍖。飲品方面，叫咗凍巨峰葡萄烏龍樽，一飲落去清新嘅葡萄味同烏龍茶嘅茶香好夾。甜度唔高，飲完好解渴，帶住冰涼嘅口感。🍇。另一款飲品係凍蜜桃烏龍樽仔茶，蜜桃味好香甜，唔會覺得太甜或太淡，清甜又解油膩之餘，有啲茶嘅餘韻，幾啱我口味🍑。最後試咗炸湯丸，外皮炸得脆卜卜，一咬開有熱辣辣嘅黑芝麻餡流出嚟。甜度適中，芝麻香濃而不膩，外面脆內裏軟糯嘅口感好有層次。