戀上台式料理

營業中

休息中

今日同左小朋友去將軍澳海濱橋影下相，行到見肚餓就見到呢間對住海濱嘅台式餐廳，就去試下。紅燒牛肉麵（古早味湯）🅰️🅰️🅰️🅰️🅰️先飲一飲個湯頭，藥材味好出，但係又唔太濃味，唔太咸幾好。我哋轉左刀削麵，煙煙韌韌。牛肉幾大方，厚切又煮到好淋，推薦！👍🏻鵝肝蚵仔魯肉飯 🅰️🅰️🅰️🅰️🅰️蚵仔無沙幾乾淨，有鮮味。鵝肝煎到好香，連埋魯肉飯就係滿滿嘅油香。🤩因為夠油，食半碗都好夠，建議呢個飯唔怕肥嘅女士可以share食。小食食左幾樣小食，幾抵食，可以一齊講：台灣腸 🅰️🅰️🅰️🅰️🅰️佢有埋墨魚腸，份量都多，最正係佢夠正宗有埋生蒜🧄滷水糖心蛋 🅰️🅰️🅰️🅰️夠入味，生熟程度啱啱好，有流心😍，唔錯。黑松露炸花枝丸 🅰️🅰️🅰️🅰️我覺得唔落黑松露好d，炸花枝丸本身都夠味，建議胡椒味再重d，咁黑松露就不必要。總括嚟講，呢間餐廳都幾多選擇，價錢合理，份量正常，附近又有唔錯嘅打卡位，對住個海濱食又幾chill。特別想讚下呢度員工好nice👏🏻，見到我地帶小朋友都主動提供小朋友餐具同較剪，仲知邊度有得換片，抵讚！用餐體驗愉快🥰推介大家嚟食！