Isaac Toast (朗豪坊) (已結業)

因為朗豪坊呢間係屋企附近，星期六日朝頭早諗唔到食乜就會過嚟食，通常個零月就會過嚟幫襯一次，幫襯左大大話話都有兩年，佢菜單上大部份嘅item我都試過晒我最推薦嘅係MVP辣雞吐司，因為佢個包係偏甜嘅，配上微辣嘅雞肉嗰陣辣味就會好突出，再飲番啖佢其他偏甜嘅飲料，又會中和返陣辣味，基本上你嘅味蕾等於去咗一轉旅遊一樣，呢幾年疫情冇得去旅遊，我建議大家去食呢個MVP辣雞吐司經典火腿吐司同埋王牌火腿吐司都唔錯，唔鍾意食辣嘅朋友可以一試，不過就未至於好一試難忘之前都試過其他item，有個入邊夾塊薯餅，好似叫咩邪惡芝士煙肉吐司，但係入邊無論口感同埋質感都太過複雜，塊薯餅夾得來仲會變淋，我就一般般呢個配搭飲品會偏甜，通常我會飲抹茶拿鐵，但即使叫小糖仍然會好甜。我建議兩人share一杯就啱啱好，係gym 冇開嘅日子一個人飲晒呢杯肥仔水我會內疚一個禮拜韓國嘅 Isaac Toast 基本上每次去親韓國旅行都會食一次。好多人話香港嘅分店同韓國本店相比相差好遠，咁當然冇得同韓國嘅本店比，但我覺得水準都keep到七至八成，路過咪食下囉，想回味下韓國既回憶又過嚟食下囉 價錢方面同韓國相比只係貴咗少少的，韓國食一個大概