小王牛肉麵 (已結業)

以前都幾常常幫襯，今日12點幾推BB車過黎食，佢話繁忙時間唔比BB車入，話因為間舖好細。如果間舖細，繁唔繁忙時間都容納唔到BB車架啦。根本上你拎走一張椅我推車埋枱就ok。定係因為咁樣會霸左一個位而無消費所以唔想咁做？咁坐輪椅既咪一樣會被拒入？最諷刺係門口有個牌貼住孕婦優先入座（我大肚時午飯時間去過係無呢個安排，我當因為我個肚唔明顯啦）你大肚就扮歡迎你，你生左推住車就嫌你阻佢地方。以後唔想再幫襯。