BEL CIBO Seafood Bar & Restaurant (已結業)

尖沙咀厚福街一向係區內特色菜嘅集中地，位於H8嘅，店名其實係意大利文，意思係指美味可口嘅食物。餐廳主要混合意、法、葡菜，以傳統烹調方法加上創新元素，為食客帶嚟歐陸菜嘅新鮮感。餐廳注重情調，以水晶吊燈，油畫作裝飾，都幾有氣氛㗎！而座位方面有適合情侶嘅卡位，亦都有適合一大班人聚餐嘅大長枱。素食人士可以試下，乾茄嘅酸味好惹味，加上蒜香露筍同野菌，再配上幼身天使麵，食落感覺十分清新。海膽份量多到可以鋪住個飯！海膽由北海道直送，只會喺時令季節提供，保證大家食到最新鮮、香甜嘅海膽。黑松露野菌意大利飯好creamy，同海膽一齊入口更覺柔滑，令人食唔停口，試得一試！到甜品環節，有，球中間係吉士cream，而外層係朱古力意大利雪糕，最外層鋪上朱古力粉。對朱古力狂迷嚟講，有層次十足嘅甜品作結，實在滿足！