影片
更多
2016-02-12
2143 瀏覽
慶祝情人節喎，梗係食番餐法國菜啦，呢間餐廳，舖細細，位真係唔多，不過就幾有法國feel 嘅。我嘅情人節大餐就食咗5樣嘢，Smoked trout served with avacado cream, Bayonne ham, poached egg and briocheOnion SoupConfit duck leg with Provencale tomato, sauteed onions and potatoes, french beans and duck jusBlack Angus sirloin with Cafe de Paris butterChocolate cake首先餐前麵包，麵包係熱嘅，重要外脆內軟，質素唔錯，而且牛油係已經放軟咗，可以好容易咁搽上麵包度，加分！前菜， 都幾好味，魚嘅煙燻味好濃郁，仲有好鹹香嘅火腿，加埋creamy 嘅牛油果蛋黃醬，啱啱好可以blend埋 魚同火腿嘅味道，再加埋沙律菜令到成個濃郁味道輕盈少少。呢個菜唔止味道豐富，仲有好多texture， 爽口嘅沙律菜，煙靭嘅火腿，流心嘅蛋黃，同好有咬口嘅brioche。 如果呢個菜再加多少少
我嘅情人節大餐就食咗5樣嘢，
Smoked trout served with avacado cream, Bayonne ham, poached egg and brioche
Onion Soup
Confit duck leg with Provencale tomato, sauteed onions and potatoes, french beans and duck jus
Black Angus sirloin with Cafe de Paris butter
Chocolate cake
首先餐前麵包，麵包係熱嘅，重要外脆內軟，質素唔錯，而且牛油係已經放軟咗，可以好容易咁搽上麵包度，加分！
前菜， 都幾好味，魚嘅煙燻味好濃郁，仲有好鹹香嘅火腿，加埋creamy 嘅牛油果蛋黃醬，啱啱好可以blend埋 魚同火腿嘅味道，再加埋沙律菜令到成個濃郁味道輕盈少少。呢個菜唔止味道豐富，仲有好多texture， 爽口嘅沙律菜，煙靭嘅火腿，流心嘅蛋黃，同好有咬口嘅brioche。 如果呢個菜再加多少少檸檬汁，同檸檬皮，咁就perfect嘞，因為檸檬應該可以再將成件事再提升少少，成個味道會再立體少少。
經典嘅洋蔥湯，好濃郁，但係又唔會太鹹，最重要佢哋嘅芝士份量夠多，而且芝士味好濃郁好香，真係一路趙一路有芝士香，真係好好味，而家諗起都仲回味緊。仲有間餐廳嘅服務真係一流，我哋叫咗一個洋蔥湯，因為怕飽得滯食唔晒，佢哋竟然好主動咁話可以幫我哋分兩份，我哋其實都有啲唔好意思，不過佢哋有真係好ok，同好有誠意咁幫我哋分咗兩杯，佢哋唔係就咁分架，係真係比咗兩個小portion，兩隻杯上菜時都係熱，仲要兩個入面都有好多芝士，都有一件麵包，仲要係分咗再拎去焗溶啲芝士，唔係就咁一個一早準備好嘅standard湯就咁拔開兩碗。呢個服務態度真係值得一讚。
第一個主菜，係鴨脾，都係經典菜。好乾身，唔會話覺得好油膩，鴨皮好脆，脾肉就咁食就鹹咗少少，不過如果加埋啲薯仔同洋蔥一齊食就啱啱好。啲鴨肉都處理得幾好，唔會話有好勁嘅鴨羶味。啲french bean 都煮得啱啱好，翠綠得嚟又爽口。如果多少少汁就更好嘞。
第二個主菜，就係10oz 嘅安格斯牛扒，其實我係有諗過食法國菜食牛扒係唔係唔係好法國菜，不過呢個都係佢哋嘅廚師推介，都無理由唔試，而且我對牛扒嘅抵抗力係好低，根本忍唔到唔叫。牛扒就不過不失，可能係彩數，咁啱我呢塊扒就多咗啲筋，同埋好似dry咗少少，不過味道同熟道都係合格嘅。而且個herb butter都唔錯。薯條又係值得一讚，炸得啱啱好，好脆，又有足夠嘅seasoning，真係好好味，好有水準。
最後就梗係唔少得甜品，朱古力蛋糕。蛋糕非常鬆軟，朱古力味夠濃，而且唔太甜，蛋糕上枱係暖嘅，加埋雲呢拿雪糕，又係一個經典嘅perfect match。完全可以為呢一餐劃上一個完美嘅句號。
呢度除咗食物好食，佢哋嘅服務真係好好，佢哋會等你食完一道菜先再上另一道，不特止仲會每一道菜都會同你換碟，而且識得先上鴨脾，再上牛扒，真係唔係間間都會咁做，或者識得咁做。呢度嘅服務係真係超值！
張貼
