影片
更多
2017-05-13
3195 瀏覽
本來預訂了另一間酒店的午市自助餐，但昨晚發現原來之前去過，想試未去過果d，所以臨時轉場，但因為呢個星期係母親節，好多心儀既自助餐都已經滿座，找遍openrice，終於搵到呢間食評唔錯的餐廳，電話中得知今日座位都係挺滿的，只有少量門口位，都照殺，對方聽到有老人家同行，仲話可以安排梳化位俾我地，果然貼心。午市自助餐時段係12:00-14:30，去到現場，發覺環境唔錯，近窗口位仲可以望住維港用膳，認真不俗。講返食物，有我既至愛-生蠔，濃濃的海水味，都幾鹹下，每次可以攞4隻，全程有2位員工分別負責開同清洗，唔洗點排隊。仲有長腳蟹，有時自助餐會拆晒d腳出來俾人逐隻腳夾，呢度係半隻半隻咁，可以防止人地只夾肥蟹腳，剩返瘦蟹腳吧。冷盤仲有螺，蝦，小龍蝦等。魚生方面有三文魚，吞拿魚，八爪魚⋯，不過我無食，只食左三文魚腩壽司，希靈魚壽司，飯如果再細d會更好，可以留多d空間試其他丫嘛，但都值得推薦。熱盤無乜試，大概有燒雞肉腸，咖哩牛肉，燒羊架，燒菠蘿，素春卷，點心，仲有燒味，自選配料的粥麵，值得推薦既係粥，樣樣材料都要d，有蟹腳，雞，鹹豬肉，魚，皮蛋，生菜等，整出來個粥超鮮甜，值得一試，拎住枱面一支好似筷子
午市自助餐時段係12:00-14:30，去到現場，發覺環境唔錯，近窗口位仲可以望住維港用膳，認真不俗。講返食物，有我既至愛-生蠔，濃濃的海水味，都幾鹹下，每次可以攞4隻，全程有2位員工分別負責開同清洗，唔洗點排隊。仲有長腳蟹，有時自助餐會拆晒d腳出來俾人逐隻腳夾，呢度係半隻半隻咁，可以防止人地只夾肥蟹腳，剩返瘦蟹腳吧。冷盤仲有螺，蝦，小龍蝦等。
魚生方面有三文魚，吞拿魚，八爪魚⋯，不過我無食，只食左三文魚腩壽司，希靈魚壽司，飯如果再細d會更好，可以留多d空間試其他丫嘛，但都值得推薦。
熱盤無乜試，大概有燒雞肉腸，咖哩牛肉，燒羊架，燒菠蘿，素春卷，點心，仲有燒味，自選配料的粥麵，值得推薦既係粥，樣樣材料都要d，有蟹腳，雞，鹹豬肉，魚，皮蛋，生菜等，整出來個粥超鮮甜，值得一試，拎住枱面一支好似筷子既野（上面有枱號），叫粥時遞俾佢，佢煮完會送去你果枱，超級方便，唔使企係度等。
之後就係生果甜品，生果款式有哈蜜瓜，蜜瓜，菠蘿，仲有涼粉係隔離俾人整返個雜果涼粉，個人覺得甜品幾出色，面包布甸，芒果布丁，芝士蛋糕都推介，另外有紅豆沙，豆腐花，朱古力噴泉，紅豆沙略嫌稀左d，而且有點苦味，可能係陳皮既關係，最後食埋movenpick雪糕，味道都幾多，有榛子，士多啤梨，呍呢拿等。
總結呢餐都唔錯，平均$330左右食到質素唔差既生蠔長腳蟹，算幾抵！
即開生蠔
134 瀏覽
0 讚好
0 留言
長腳蟹
97 瀏覽
0 讚好
0 留言
83 瀏覽
0 讚好
0 留言
張貼
