民園麵家 (已結業)

早幾星期好友食家"乜都放入窿"趁住喺港島呢個環頭開工, 於是就相約師傅放監後一同去老蘭飲杯約, 師傅當然欣然應約啦! 但摸酒杯底之前都要醫肚架, 加上師傅又唔知呢頭有咩好食, 好彩好友食家"乜都放入窿"曾經守過呢個環頭, 於是就帶師傅四圍搵野食!師傅就唔算好肚餓, 所以食咩都冇咩所謂, 又上山又落斜, 終於行到黎呢間食店, 師傅真係大鄉里出城, 皆因從來都未聽過呢間食店, 好彩好友食家"乜都放入窿"就識窿路, 所以就決定黎呢度食餐晚飯!入到去地方都幾細, 真係一眼見晒, 坐底後即刻睇下有咩好食啦, 最後師傅就柯打左碗雲吞麵, 而好友食家"乜都放入窿"就柯打左個豉油王牛筋水餃撈麵, 再加左碟油菜, 另外飲品就兩杯!等左一陣就有得食, 師傅先講下碗雲吞麵, 雲吞麵一碗有五粒雲吞, 湯底都幾清幾好味, 而麵質都幾爽口彈牙, 真係一絕, 不過有少少鹼水味, 如果冇埋仲好, 而雲吞就皮夠薄, 餡料就算足, 蝦身夠爽口, 真係唔錯; 而師傅亦有試左少少牛筋, 牛筋真係好腍好入味, 口感唔錯, 頗佳; 而油菜就揀左菜心, 菜心賣相非常之靚, 入口一試發覺好嫩好甜, 加上灼得好腍, 好好味呀!總括黎講