Lady M

營業中

休息中

原本有500蚊lady m卡，淨返百幾蚊諗住用，嗌咗180蚊。張卡淨返130蚊到，去到要女服務員碌卡，剩返嗰50蚊職員信誓旦旦話可以八達通畀。「嘟」咗落去八達通之後，服務員照常畀單我，但係突然間又搶返張單，走咗去佢同事側邊話好似畀錯咩數。之後佢先返嚟同我講話原來冇用到張卡啲錢全數由我八達通畀，搞到我八達通變咗負四十幾蚊。呢個唔係問題但係係佢毫無歉意咁走嚟同我講話八達通收咗嘅錢冇得退返張卡嘅錢都冇得再碌返。我想問攞嚟食過lady m啫，張卡嘅錢冇扣到、我八達通嘔突百幾蚊、下一次仲要再嚟用多次張卡、再嘔搭幾百幾蚊，（本人是學生妹，就算錢不算太大問題，也吞不下這啖氣)係咪專恰呢啲學生妹呢？？叫佢退返cash佢又唔肯，死都要屈我下次再嚟食，如果唔係點有生意做？？講到係lady m咁高貴嘅品牌，但係就一D到唔以客為先，顧客至上，一直保持的名譽及聲譽是如何來的？？