影片
更多
2023-05-05
1703 瀏覽
同啲舊同事走一轉西、上、中環，來一趟本地遊，因為「HKWalls」推出咗一批新大型壁畫，專誠去打打卡，此外順道帶佢哋行埋「元創方」、「大館」、「中環街市」，仲坐埋摩天輪添。因為唔知要行幾耐，打卡打幾耐，所以一起手就打算行到邊食到邊。接近中午時間，逛到「歌賦街」一頭，有好幾間心水嘅日本餐廳都排長龍，所以，好隨意揀咗呢一間「拉麵食堂蔵」。 餐廳裡面地方細細，裝修一片和風拉麵店咁，但枱櫈都排得好密，感覺空間幾逼狹。而當期時見到裡面有唔少客，一心諗住幾穩陣，結果喺伏伏地，其實食物方面算喺不過不失，伏位喺過「環境」。我哋一行五個人，室內位啱啱坐滿，所以被安排 「偽室外位」，其實喺餐廳尾嘅「後巷位」，初時坐低唔覺，但坐落就聞到久唔久有陣陣異味，隨風送上，原來對下嘅公園（九如坊兒童遊樂場）內有個公廁，加上呢個後巷位另一邊有啲整幢大廈嘅去水渠，亦有少少氣味。不過落咗單，加上朋友行得有點攰，否則會轉場。仲有，坐時頂住膝頭，又無地方擺袋，個人嚟講，就覺得呢度喺完全唔適合招呼人客。餐具、餐紙、少少調味料放喺枱上面，當中有朋友都好講衛生，所以，餐具都幫佢完全消毒，唔抹都唔知張枱其實幾污糟。等候上菜期間，無意中
餐廳裡面地方細細，裝修一片和風拉麵店咁，但枱櫈都排得好密，感覺空間幾逼狹。而當期時見到裡面有唔少客，一心諗住幾穩陣，結果喺伏伏地，其實食物方面算喺不過不失，伏位喺過「環境」。
我哋一行五個人，室內位啱啱坐滿，所以被安排 「偽室外位」，其實喺餐廳尾嘅「後巷位」，初時坐低唔覺，但坐落就聞到久唔久有陣陣異味，隨風送上，原來對下嘅公園（九如坊兒童遊樂場）內有個公廁，加上呢個後巷位另一邊有啲整幢大廈嘅去水渠，亦有少少氣味。不過落咗單，加上朋友行得有點攰，否則會轉場。仲有，坐時頂住膝頭，又無地方擺袋，個人嚟講，就覺得呢度喺完全唔適合招呼人客。
餐具、餐紙、少少調味料放喺枱上面，當中有朋友都好講衛生，所以，餐具都幫佢完全消毒，唔抹都唔知張枱其實幾污糟。等候上菜期間，無意中睇到枱上嘅胡椒粉，都喺用啲平價貨，點知道喺平價貨？下次你去超市睇睇啲胡椒粉就知，靚嘢後面嘅成分只會寫住得胡椒，絕對唔會有其他成分，而平價貨就會加其他成分，例如米粉。
午市嚟到，照樣有好多散點菜色，不過，我哋當然睇返一系列定食同埋拉麵，選擇非常之多。由於坐咗晌出面，唔方便影其他人嘅菜式，只係簡單介紹咗以下兩款。
味噌拉麵 $88呢度嘅拉麵算係有少少特色，亮點在於湯底，餐牌都標到明湯底喺雞豚魚介之三重奏湯，再加上味噌，湯底確喺濃郁鮮香，不過叉燒就唔喺一大片，而喺切成粒粒嘅叉燒，伴住一整隻溏心蛋及大量野菜，叉燒都算鬆化，隻蛋亦做到溏心效果，但麵條食落好似有啲硬，未熟嘅感覺。
洋蔥薑燒鹿兒島豚西冷定食 $100小弟見佢話豚肉喺日本鹿兒島縣產，所以，試咗個星期五定食（是日套餐）。定食仲包埋味噌汁、胡麻沙律、漬物、麻婆豆腐、生果同白飯，睇落就好似好豐富，但睇埋張相，啲豆腐碎濕濕，件橙肉就一開八，俾人感覺喺幾寒酸。講到味道，味噌汁同啲沙律喺OK嘅，青瓜漬幾開胃，但豆腐就偏辣，豚肉寫明用上豚西冷，不過，就無想像之中咁鬆化，個人仲覺得有少少嚡。
呢度午市仲要收加一，但基本上可以講唔係太多服務可言，因為晌呢個「後巷位」唔喺咁經常有侍應會主動走過嚟，如果坐出面大可能會好好多，總括而言，今次嘅用餐體驗大家都覺得好差，老實講，假日出嚟搵食都喺麻煩啲。
張貼
