碼頭故事 (已搬遷) 新店位置

呢間火鍋店味道正宗，麻辣鍋相當夠味，蘸料都係四川火鍋標配既香油碟，什菌湯底就鮮美柔和。佢既菜品都非常新鮮，同埋擺盤超級驚艷。用碎冰堆出小山既形狀，「山頂」擺一個小杯，插左花點綴，仲落左乾冰製造出煙霧既效果，鴨腸擺係冰上，粉粉嫩嫩，一睇就好有食慾。鴨腸燙左之後口感爽脆，入晒麻辣湯好足味。安格斯肥牛牛味十足，不過就係覺得食得唔夠過癮，需要食多幾份魚滑裝左係鋪左碎冰既小竹桶入面，有種古樸既質感，味道就正正常常。功夫薯仔片同青筍片切得好薄，落左之後一定要好快撈上來食，不然就溶晒啦。豆皮同紅薯粉都好推薦，豆皮新鮮滑嫩，唔會有通常個種比較柴既口感。薯粉就非常之有彈性，吸晒湯汁味道令人好滿足。總括來講，呢間四川火鍋味道唔錯，性價比都算高，值得一試。