MOS Burger (已結業)

突然好想食mos burger 所以搭車中途落車去咗買外賣，灣仔店裝修好之後一直都冇幫襯過，一入鋪如以往一樣好迫，無論座低食定等外賣都好似好唔夠位，唯有行出門口等啦。今日外賣叫咗兩個set，摩絲芝士漢堡同牛蒡珍珠堡，平時只會跟薯條，今日見佢有雞塊就叫咗份試，出乎意料，我愛上咗個雞塊，佢唔似得平時D雞塊咁實，皮唔厚，仲可以配BBQ或辣醬，一份有四件，不過如果下次外賣我會散叫，因為價錢唔係平好多，攞住氣水有D麻煩。