遙

營業中

休息中

今晚去左土瓜灣搵個舊朋友聚舊，佢話呢頭有間日本野好正，話要帶我去試下，今晚又有口福喇～去到坐底，梗係開支SAKE摸下杯底，叫D刺身食下先啦。老闆娘推介我地開支白雪，叫左個壽司拼盤，三文魚腩，牡丹蝦同赤貝刺身。刺身真係好新鮮，一啖刺身一啖SAKE真係好CHILL～SAKE微甜同濃香米味配刺身真係一流。老闆娘好好人仲俾左支TRUFFLE粉我地配壽司食，真係令到個味再鮮左好多。講到佐酒小食點小得我最愛既雞泡魚乾。牡丹蝦頭唔好浪費，整個面鼓湯飲下暖下個胃再到下半場。下半場就係食爐端燒，牛舌好厚大蔥都好夠味。必點既一定係鵝肝多士！燒出黎唔會好油好滯，係燒得好有水準。最後食埋麻薯做甜品，呢餐真係好滿足。