日日蒸腸粉 (已結業)

今日特登走到嚟旺角中心試吓呢間我想食好耐嘅腸粉店。有米豬連貼紙認證。我揀咗粟米鮮肉雞蛋腸。佢哋推出左學生優惠$20仲可以加底仲有紙包嘢飲送。（當然我唔係學生啦哈哈）只好乖乖俾原價！撐黃店值得嘅！仲有佢哋好貼心咁隨便俾人拎口罩同暖包如果冇電仲可以借奶媽👍👍講返食物質素腸粉超級滑超級足料,醬汁唔係平時食嗰啲豉油汁而係佢哋秘製嘅醬汁。睇到佢哋唔係hea整！由落單到有得食都要等8-10分鐘。應該太多單的關係吧？！目測都有幾多同路人等緊😅但真心好食嘅！佢哋仲有一個芫茜雞蛋腸。但我唔食芫茜所以無叫到😂