巧興麵食店

營業中

休息中

聽講呢間係一間地區老店，晚上8點多到達，唔洗等位。叫咗擔擔麵同埋菜肉雲吞，再加咗杯豆漿。先講擔擔麵，同平時食開的好唔同，佢有大量麻醬及花生醬，杰杰地的糊狀汁，又香又濃。入面D炸菜絲同肉絲都好好食，明顯唔係求其掉落去煮嘅，仲有D花生碎，整體感覺非常良好。菜肉雲吞竟然有一大塊紫菜，真係開心，仲有D蝦米仔，好喜歡佢個賣相。個菜肉雲吞食落都唔錯，D餡料好好食，D雲吞皮又好滑。杯豆漿有驚喜，好香豆味，非常難得。