Mizu (已結業)

今日lunch 黎試下呢間西日料理cafe , 入到黎充滿住好香既咖啡味。另外佢地主打串燒，夜晚就會變身居酒屋。Set lunch 包幾款咖啡 ,蘋果汁/橙汁，仲有個沙律跟餐。✨新鮮香草烤焗春雞： 個賣相幾靚幾colorful , 有火箭菜，茄乾同雜菌，雜菌好入味，鍾意茄乾個蕃茄味特別濃。 春雞嫩滑多汁，墊底仲有個好似麵包布甸既餅，呢個配搭都幾得意同埋少見。✨青口珍珠帶子海鮮飯：呢度既擺盤都真係幾有心思，打卡一流。 個飯啖啖都食到帶子粒，配埋蘆荀粒粒蟹籽幾清新。蝦肉仲好爽彈，青口鹹鮮。✨蒲燒鰻魚：個鰻魚勁肥美，燒到外脆內軟, 如果配飯就真係一流.