Mamaday Studio (已結業)

MAMADAY好好食，銅鑼灣嗰間。至於依間何方神聖，只有飲品同甜點，但聽說打卡位多多，所以今日入左黎。—三層都開左，其實係充滿趣味，銅鑼灣店食物名既創意放大，搬左去整棟佐敦店嗰到。裝修好有心思，從外至內都感受到嗰股華洋雜處既氣息。整棟建築物係中式店舖配紅白藍，好有香港味道。然後店內有著各種搞怪裝飾，得意擺設，亦有文青既位供人影相。好似銅既每個食物名都好新奇咁，佐敦店每個角落都有新鮮事物，即係角落新物。— 可恨既係，食物味道絕對唔係賣點。因為銅鑼灣戈間熱食好正，依間相比之下得幾款甜點，味道爭少少。食左隻bagel，焙茶味，加cream cheese，淨係覺得硬硬地，無咩滿足既感覺。Strawberry cheese cake有玩漸變，靚樣但味道平平。飲品唔知會唔會好啲。所以重點都係打卡吧，此行影左好多相。—打卡位多，但實際上就座唔算寬敞。唔係好岩三五知己傾計，因為可以對住坐既位比較少，二樓室外得兩張枱，室內音樂嘈，三樓似收費自修室格局。—順帶一提，有兩隻好可愛嬌小既貓，非常惹人憐愛。