有情有意 (已結業)

今日去睇周杰倫演唱會，早咗d到因為諗住係紅磡食埋晚餐先入場睇，要食飽飯先有力大合唱!然後我就同朋友去咗置富都會商場果到搵野食 我朋友話想食牛扒所以我地就隨便入咗呢間餐廳，入咗去先發現原來佢地係社會企業，專請d 聾啞人士做店員！感覺都幾有意思。我地叫咗2個牛扒餐配薯角，如果要意粉同飯就要加5蚊了。個餐仲包一杯野飲同餐湯，餐湯係南瓜湯。其實講真牛排真係麻麻地因為就係好似佳寶嘅口感調味都沒有特別好，南瓜湯就正常啦，不過偶爾幫親下社會企業都唔錯呀。佢地真係好需要我地支持