魚木日台美食

營業中

休息中

食盡各區小店💛💛上網見到黃店list有佢，所以專登走黎一試。店鋪位於慧安商場中，7時左右都有幾多街坊等緊外賣。打算食最受歡迎的玉子燒，可惜已經賣完，惟有下次再黎過啦🥚我地揀左三寶飯同滑蛋鰻魚飯，跟餐仲有紙包飲品送添😆價廉物美💛外賣包裝選用紙盒，已經算係比較環保的包裝盒了👍小店更有湯卷可買，自家煲靚湯，街坊不坊試下呀🍲滑蛋鰻魚飯大條鰻魚，鰻魚冇骨軟身，燒汁幾香。滑蛋鋪滿白飯面，而且蛋唔會煮得太熟，仲有蛋汁滋潤白飯，食落濕潤唔會乾爭爭。三寶飯有肉燥，豬軟骨同蛋。豬軟骨嫌炆得唔夠冧，所以咬落去仲係軟骨而唔係啫喱狀。肉燥偏瘦。整碗飯冇咩汁比較乾身。糖心蛋好食🥚😋👍