影片
更多
2019-11-03
67 瀏覽
因為男友約咗人傾job，我就去搵地方坐坐叫定嘢食等佢意外發現呢間port 33上面嘅高質嘅素食店新蒲崗工商廈好少有健康素食，仲要全無味精除咗素食仲有好多健康產品有機豆漿素啤酒素芝士energybar等等入面cafe bar設計，可以堂食可以拎走價錢完全唔貴，小店式經營，店主會好人啲通常小店店主都會好親切答你嘢但如果好似平時嗰啲店舖，員工通常闊佬懶理，又或者唔識答你嘢店入面得2個人打理，但都好企理藍蝴蝶豆花茶(熱)鍾意打卡嘅朋友一定要試呢杯事關藍蝶花茶向來會變色加咗三兩滴檸檬汁後杯嘢就會由藍色慢慢變紫色味道唔會太甜，清清哋最啱食完嘢之後飲藍蝶花本身有消炎消腫功效之餘夜晚瞓覺會舒服啲，令人睡眠質素更好，瞓得唔好嘅人最啱飲愈浸得耐會愈深色，同平時沖茶一樣，味道會愈濃不過就算沖泡得耐，味道都唔會好重適合鍾意清淡嘅人飲紅石榴茶(凍)女士之選！啱啱店舖新出品紅石榴對女士極有用事關有抗癌抗氧化功效極高抗氧化功效飲完皮膚都會好啲味道偏向酸甜，食之前飲幾開胃紅菜頭雜菜湯好少見到有呢種湯，而且入面好足料有蕃茄同紅菜頭椰菜齋睇有啲似蕃茄湯飲落有蕃茄蓉嘅感覺無落肉嘅湯完全唔油膩而且無味精，飲完都唔口乾豆腐扒墨
意外發現呢間port 33上面嘅高質嘅素食店
新蒲崗工商廈好少有健康素食，仲要全無味精
除咗素食仲有好多健康產品有機豆漿素啤酒素芝士energybar等等
入面cafe bar設計，可以堂食可以拎走
價錢完全唔貴，小店式經營，店主會好人啲
通常小店店主都會好親切答你嘢
但如果好似平時嗰啲店舖，員工通常闊佬懶理，又或者唔識答你嘢
店入面得2個人打理，但都好企理
藍蝴蝶豆花茶(熱)
鍾意打卡嘅朋友一定要試呢杯
事關藍蝶花茶向來會變色
加咗三兩滴檸檬汁後
杯嘢就會由藍色慢慢變紫色
味道唔會太甜，清清哋最啱食完嘢之後飲
藍蝶花本身有消炎消腫功效之餘
夜晚瞓覺會舒服啲，令人睡眠質素更好，瞓得唔好嘅人最啱飲
愈浸得耐會愈深色，同平時沖茶一樣，味道會愈濃
不過就算沖泡得耐，味道都唔會好重
適合鍾意清淡嘅人飲
紅石榴茶(凍)
女士之選！啱啱店舖新出品
紅石榴對女士極有用
事關有抗癌抗氧化功效
極高抗氧化功效飲完皮膚都會好啲
味道偏向酸甜，食之前飲幾開胃
紅菜頭雜菜湯
好少見到有呢種湯，而且入面好足料
有蕃茄同紅菜頭椰菜
齋睇有啲似蕃茄湯
飲落有蕃茄蓉嘅感覺
無落肉嘅湯完全唔油膩
而且無味精，飲完都唔口乾
豆腐扒墨西哥卷
入面除咗有生菜蕃茄青瓜呢啲配料
當然仲有扮肉嘅豆腐扒
我食到有芝士香味，望吓隔離雪櫃見到原來係素芝士嚟
味道同葷食墨西哥卷真係差唔多
豆乳味噌叉燒湯麵 轉烏冬
淨係賣相已經加分
材料亦好豐富
湯頭完全唔失色，一啲都唔油膩
用咗素食豆漿做湯底
取代咗平時嘅豚肉湯底
豆味好重，味道絕對唔輸蝕葷食湯底
配料有蘿蔔豆腐乾素叉燒
睇落好似肉咁，實際上叉燒係素製架
素叉燒質感軟腍，開頭咬都似肉，嘴嚼吓食得出似豆製
除咗啱素食人士，其實仲好啱減肥嘅人
蜜素雞
極度推介之一！
仿照麥樂雞做法，將素肉輕炸成麥樂雞狀
加上好似係七味粉同酸甜醬
味道更似麥樂雞，超香口惹味
食落好似有啲豆乳味
素雞內裏質感軟嫩，輕炸表面薄脆，唔太油膩仍然清淡
七味粉為素雞點綴，味道上更加錦上添花
張貼
