輝記小菜館

營業中

休息中

由於有朋友推介此食店，所以今次都一大班朋友到此品嚐一下😌菜色如下：椰子雞煲，菠蘿咕嚕肉，鴨舌，黃金炸魚皮，牛仔骨煲，錦綉卷，椒鹽鮑魚，椒鹽魷魚，炒菜心，乾燒伊麵。首先想讚一讚個雞煲，椰子🥥好足料，厚厚的，雞都好食！個湯好甜，好好味😋（不過一定要預早訂）。大家都盛讚個湯！不錯👍🏻菠蘿咕嚕肉，菠蘿都是新鮮的，配以酸酸甜甜的醬汁，小朋友都多吃幾口！都是讚！黃金炸魚皮，是有驚喜的！咸咸的，但魚皮都很脆口，都值得一試！🤗我個人便比較喜歡💕這道菜式。牛仔骨都很入味！我另一個比較喜歡是「椒鹽鮑魚」，生熟度恰到好處。上面的椒鹽，有少少辣味，如果用來送酒都是一流的！（可是我們不飲酒）😬😬這味餸好食🤤！推薦！乾燒伊麵都炒得好乾身，好入味！好有鑊氣！有水準！🌷😚這裡的店員，老闆娘都很好人，親切有禮，態度好好，笑容滿面，很有禮貌！如果經開深水埗，大家都可以試吓啦！