燒串煲 (已結業)

最近本人非常支持本土小店，今日收工之後約朋友嚟呢間位於旺區既隱蔽嘅串燒店食晚飯。店舖不大座位不多，寧靜且乾淨嘅環境，意想不到既係完全沒有油煙味👍🏾非常適合收工減壓食嘢的朋友們。餐廳有十分多選擇，樣樣都想食，最後我們叫了日式雞泡魚干（$48）、芝士年糕（$28）、燒雞腎（$32）、燒雞皮（$32）、金銀蒜茄子（$38）、花枝丸（$18）、芝士丸（$18）同埋辣子雞軟骨（$98）。當中以下三道菜式是我特別喜歡的🥰金銀蒜茄子：巨大並軟身的茄子，上面對滿了蒜蓉以及味道濃郁的調味料，令人上癮。喜愛蒜頭的重口味朋友，不能錯過！雞泡魚乾：軟硬度適中，以沙拉醬作為雞泡魚乾的調味，呢個頭盤冇得頂！好想帶返屋企做宵夜。辣子雞軟骨：簡直就係可以當中餐廳嘅一味餸！雞軟骨沒有肥肉，辣味適中，粒粒香脆可口。