東寶小館 (已搬遷) 新店位置

放工心血來潮想食大排檔小炒。由灣仔最近可以諗得起嘅呢就係北角街市呢間大排檔啦。星期三夜晚，兩位都要等差唔多30分鐘先至可以入座。點左我最鍾意食嘅燒蘆筍無骨雞翼－八隻 ＄128，例牌炒聖子＄188 3隻，仲有一個椒鹽炒排骨，大愛，鼓椒炒蜆。炒聖子大碟抵食啦每次來都例牌必叫嘅，最緊要係每次都新鮮冇沙，仲要勁爽口。豉椒招炒蜆我個人覺得就比較辣嘅。椒鹽炒排骨就正常野，冇乜特別。最鍾意嘅燒蘆筍無骨雞翼啦，最開心就係一次一啖一隻食晒。最難得就係入面嗰條燒蘆筍永遠每次叫都係多汁唔乾身嘅。