潮福蒸氣石鍋 (已結業)

放題大家食唔少，但又有幾間食完之後會真正覺得物有又或者係物超所值呢？以自己經驗而言，任食放題冇錯真係選擇好多，但食物質素就十居其九強差人意，不過偶爾都有例外嘅，最近一次食潮福嘅任食任飲海鮮宵夜餐，小弟非常滿意，所以要寫翻篇食評表揚一下佢地呢個套餐。海鮮並唔係任食，係有限製嘅，有兩個海鮮刺身組合。第一組合係四樣揀三樣，可揀貝殼盛盆、燒乳鴿、海鮮刺身及生猛龍蝦(2選1項目)，跟住有九款海鮮任揀四款，同枱食客不論人數多少，第二組合只能揀四款。飲品任點任飲，有汽水、啤酒及乾國芒果汁。生猛南非龍蝦、龍躉肉南非龍蝦仲係活跳跳嘅，蒸五分鐘可上碟，爽口鮮甜，並非波士頓平價龍蝦可比。龍躉肉鮮味十足燒乳鴿隻鴿啲肉好香滑，但上碟時略為涼左啲。大連鮑魚有唔連手指小朋友嘅手掌大細，超爽甜，任食都有咁靚貨，好少見！貝殼盛盆全部都係鮮活，蒸完開口笑嘅靚野。有馬貝同鑽石蜆等貴價貨，任食都無馬虎。刺身拼盤有甜蝦、北寄貝及八瓜魚等，只係叫左一人份量，有成九件，份量好大。象拔蚌仔鮮甜肉爽好新鮮。圓貝粒肉直徑未蒸有吋半，半吋厚，任食任飲有此靚野，夫復何求。食完海鮮飲埋汽水已經飽左八成，但係唔食下啲任食嘅和牛、蒸雞、丸類咁有點