影片
更多
2012-04-29
32 瀏覽
近期多左飯局,都不斷留意有咩新餐廳食飯, 都對greyhound幾有興趣, 不過兩次都比朋友們band了,因為大家都覺得佢偏貴, 但我又真係好想試下喎...今次同兩位好朋友行到黎望下,佢地知我想試就二話不說,就食lei 間啦...平日,去到都唔見有人排隊, 當時七點幾又唔見坐滿人, 咁門口waiter話我地冇book位都可以比台我地,不過要8點半交台, 佢話地佢上菜好快,即係有一個鐘左右食,咁我地都ok啦....食飽去行街...入到去原來都冇海景view, 裝飾比較有格調, 唔似一般泰國餐廳, 佢走高檔d o既路線, 泰菜西餐fusion菜, menu有泰式食品,又有見有意粉,三文治咁...我地都叫左d招牌d o既食物, 單骨雞翼啦,粟米餅呀咁, 價錢都係比一般貴, 三個人叫左五樣野,三杯飲品...單骨雞翼, 黎到見到大約有12條雞骨左右, 即係6隻雞翼咁上下啦, 炸左d香葉伴碟, 雞翼其實唔算得好特別, 只係普通炸雞翼咁, 唔覺有香茅味, 香葉味, 只係單骨比較容易食, 唔算太咸,冇野點...問佢拎左個雞醬啦, 好稀的....唔覺得係招牌菜...蟹肉粟米餅, 五件炸到金黃色, 食落唔
平日,去到都唔見有人排隊, 當時七點幾又唔見坐滿人, 咁門口waiter話我地冇book位都可以比台我地,不過要8點半交台, 佢話地佢上菜好快,即係有一個鐘左右食,咁我地都ok啦....食飽去行街...
入到去原來都冇海景view, 裝飾比較有格調, 唔似一般泰國餐廳, 佢走高檔d o既路線, 泰菜西餐fusion菜, menu有泰式食品,又有見有意粉,三文治咁...
我地都叫左d招牌d o既食物, 單骨雞翼啦,粟米餅呀咁, 價錢都係比一般貴, 三個人叫左五樣野,三杯飲品...
單骨雞翼, 黎到見到大約有12條雞骨左右, 即係6隻雞翼咁上下啦, 炸左d香葉伴碟, 雞翼其實唔算得好特別, 只係普通炸雞翼咁, 唔覺有香茅味, 香葉味, 只係單骨比較容易食, 唔算太咸,冇野點...問佢拎左個雞醬啦, 好稀的....唔覺得係招牌菜...
蟹肉粟米餅, 五件炸到金黃色, 食落唔覺有蟹肉, 只係食到粉團同粟米粒, 有d煙韌, 亦都唔覺得上特別好食, 原來都係唔吸引..
carbonara, 食食下泰國野又整返個意粉食, 個carbonara 汁好稀, 炸煙肉碎都好硬, 唔值得收成108蚊...後悔!
Pitta pizza, 揀左係意大利肉腸薄餅, 黎到個樣都幾好, 入面有d芝士呀, 肉碎,辣椒, 莞茜, 腸...食落都有d辣,但奇怪在有陣雪味, 我唔知係個皮有問題丫,定係d餡有問題...朋友都覺得食落係有陣雪味,又令我地大打折扣...
冬蔭公意大利雲吞, 我想飲冬蔭公湯,但佢只得lei隻,又係fusion菜要加埋意大利雲吞, 個湯味道都唔差, 不過隻蝦呢就非常之"梅"喇...同埋雲吞只係一團粉, 除左個湯叫ok之外, 真係又叫錯野...仲要成100蚊...
泰式奶茶, 唔係度度有得飲, 朋友一見到就好興奮話要飲, 味道唔同一般奶茶, 有d麥芽味, 幾得意, 夠奶同茶味,唔錯...iced lemon tea, 之前睇大家comment話係用茶冰都好有興趣試, 黎到先見到杯冰, 大大粒同茶雪o既冰, 溶左都唔怕淡啦, waitess會加埋d茶比我, 唔使篤檸檬, 飲落都好香茶味又有檸檬味, lei 杯檸檬確實ok...
stawberry journey, 個名幾得意,黎到好大杯士多啤梨冰沙咁,試左少少,味道都唔錯,朋友都話好飲...
食物方面,真係完全將我對佢o既期望大打折扣...但飲品就唔差...朋友試過曼谷間話唔錯, 點知係香港lei一間會咁樣, 好失望喎..價錢又唔係便, 服務亦都唔太好, 待應們太被動, 要叫幾次先有人應, 我明我地8點半要交台, 但佢地keep住收我地d碟, 我地未食晒d野已經好快問收得未, 又話驚d碟阻住我地, 其實想趕我地快d走...8:20 仲拎本甜品menu比我地睇...想食都唔敢食啦....加上食完咸點之後已經對佢d野冇期望喇...唔食啦...
如果唔係飲品ok, 我應該會比喊公仔...
食之前,我確實對佢有期望, 心想佢貴得黎應該都會物有所值...但原來..期望越大,失望越大...如果真係想試...入去飲杯野好喇...
張貼
