湯。雞

營業中

休息中

之前都嚟過幾次食，藥膳醉雞係幾好味。不過今次去，體驗超差👎同朋友行左好耐，難得見佢唔多人，就入去食野。我哋坐低30分鐘都冇，汽水都未飲一半，有個戴眼鏡嘅中年女人，行過嚟拍枱叫我哋食完好走，有人喺出面等。咁我哋都唔想阻住人，就算好攰，都極速飲埋就走。點知出去嗰陣，根本冇人排緊隊，甚至有幾張空枱喺度。幾時開始，想慢慢食個麵都好似變咗食快餐咁？（如果想坐得耐，係咪要食到好慢？先唔使俾人趕走）😤其實想叫我哋走都唔緊要，不過下次可以禮貌啲。之前嘅年輕店員都唔會咁嘅態度，換咗呢個阿姐，即刻超唔想幫襯😡建議呢個阿姐，改善服務態度，唔係真係趕走班熟客。