肉餅哥小炒料理 (已結業)

今日落大圍剪頭髮，因為大圍長期無車位問題，所以決定試試去美林食飯順便泊車，之後上OpenRice 睇睇有咩食，發現有間肉餅哥開咗喺美林邨，所以就決定試吓食。入到去唔使等位，發現裝修都唔錯，客人都算多，坐低睇睇餐牌，都好多選擇，有唔同嘅肉餅，有啲仲好特別，例如好立克肉餅等等。叫咗兩個唔同味道嘅肉餅，一個係椒鹽，一個係蓮藕，味道都唔錯，唯獨點菜嘅阿姐態度極惡劣，明知咁多選擇，都吹住點菜，唔使睇嘅咩？食飽飽俾錢就問問收銀阿姐有冇收據可以泊車，其實冇都唔緊要，但係個阿姐竟然鬧返轉頭，話唔夠錢點會俾你，即是激到我想死,其實態度可以好啲囉。不會再幫襯呢間！