Mee (已結業)

平日返工已經好忙，今日唔知咩事特別多野做，放工時心情很沉重，想搵一啲香口嘅嘢食，本身諗住去麥當勞食薯條，但係行經古月比我見到星馬嘢食，見到入面食客啲嘢食，同埋食客滿足嘅樣子，我忍唔住行左入鋪頭。入到去，職員好友善介紹餐廳嘅嘢食，見我以俾咗杯凍水我飲，我等咗一陣等心情平靜下來，睇咗陣餐牌，揀咗我最想食嘅東西，李先生炸雞椰漿飯。椰漿飯我食唔少，平實嘅嘢食，配搭上花生鹹魚仔同埋辣醬如雞蛋，會令人一食難忘。椰漿飯，係馬來西亞嘅國餚，用椰絲拌入咪中煮，配搭小鹹魚，青瓜，炸過嘅花生，同埋辣醬，當然仲有主題菜式，由簡單嘅炸雞翼到比較複雜嘅薑黃咖喱雞都有。今次嘅李先生炸雞椰漿飯，用嘅就係馬來咖喱薯仔配搭上炸雞同椰漿飯，令到成個餐都很豐富。鹹魚size比較大好有咬口，咖喱汁另外上唔會蓋過椰漿飯嘅香味，炸雞分量十足非常可口，花生十分鬆脆，辣醬鹹香食過返尋味👍🏻成個餐配埋吉仔水就very good !唯獨吉仔水唔夠馬來西亞靚仔順酸，有一定的差別……