喜悅皇宮 (已結業)

難得放假過開黎呢個屋村探朋友，咁岩就到下午茶時間，俾朋友帶左去樓下酒樓tea一tea。平日關係，唔駛等位就有位坐，兩個人，唔敢叫得太多，叫左4個點心。野食黎得唔算快，但都幾好食。燒賣: 雖然無原隻大蝦，但都算足料好食。鳳爪排骨飯: 鳳爪我唔食既，排骨略嫌肥左d，反而個飯幾好食，粒粒分明油潤，加埋甜豉油，正！糯米包: 見有餐牌有，唔駛諗即點，最愛連埋裏面既花生一齊食！椰汁馬豆糕: 夠凍夠滑，同普通甜品店食既差唔多水準。成餐2個人食左$85，我覺得都算抵食喎，可以有下次。