影片
更多
2017-12-10
7910 瀏覽
收工陪朋友係朗豪坊買完波鞋，就順便過去信和睇下有咩新野。行到餓餓地就上左黎呢度醫肚，因為之前都係佐敦店食過，記得個乳酪雪糕幾好食。上到黎剛好有位可以即時入座，當堂興奮晒因為上次係佐敦等左成半個鐘先有，受歡迎程度可想而知。照樣任點任食形式，但呢度湯底選擇十分豐富。朋友嚐辣就揀左一辣一唔辣嘅鴛鴦湯底。之後調埋個醬就等個鍋上了。鴛鴦湯底左邊嘅係木瓜魚尾湯，右邊係四川麻辣湯。魚尾湯清清地但都好多雪耳同木瓜，啱晒同辣湯間隔黎食，方便解辣。而四川麻辣湯加左大量花椒粒同乾椒，麻／香／辣俱全食得過癮之餘，又啱晒近排沾寒沾凍嘅天氣幫身體驅寒。因為同朋友都係食肉獸，所以第一時間都係點肉食。呢度手切肥牛真係食極唔厭，大大的一薄片輕灼十數秒就食得，軟嫩又夠香牛肉味。值得一點再點。美國肥牛同西班牙白豚肉都係必食之選，同樣肥瘦均勻，肥牛配上麻辣湯底食落同水煮魚好相似。而豚肉灼完後唔會好鞋口，因為味道較淡比適合點上醬油同食。食完肉當然唔好錯過呢度嘅海鮮啦，白鱔片同脆鯇魚片都係鮮味之選。兩者都係滾耐左都唔會咁易散嘅魚肉，食落爽口彈牙尤其係鱔片，食落嗰種陳皮油脂味真係令鐘意佢嘅人愛不釋口。因為海蝦每次都係按人頭上，所以
上到黎剛好有位可以即時入座，當堂興奮晒因為上次係佐敦等左成半個鐘先有，受歡迎程度可想而知。照樣任點任食形式，但呢度湯底選擇十分豐富。朋友嚐辣就揀左一辣一唔辣嘅鴛鴦湯底。之後調埋個醬就等個鍋上了。
鴛鴦湯底左邊嘅係木瓜魚尾湯，右邊係四川麻辣湯。
魚尾湯清清地但都好多雪耳同木瓜，啱晒同辣湯間隔黎食，方便解辣。而四川麻辣湯加左大量花椒粒同乾椒，麻／香／辣俱全食得過癮之餘，又啱晒近排沾寒沾凍嘅天氣幫身體驅寒。
因為同朋友都係食肉獸，所以第一時間都係點肉食。呢度手切肥牛真係食極唔厭，大大的一薄片輕灼十數秒就食得，軟嫩又夠香牛肉味。值得一點再點。
美國肥牛同西班牙白豚肉都係必食之選，同樣肥瘦均勻，肥牛配上麻辣湯底食落同水煮魚好相似。
而豚肉灼完後唔會好鞋口，因為味道較淡比適合點上醬油同食。
食完肉當然唔好錯過呢度嘅海鮮啦，白鱔片同脆鯇魚片都係鮮味之選。兩者都係滾耐左都唔會咁易散嘅魚肉，食落爽口彈牙尤其係鱔片，食落嗰種陳皮油脂味真係令鐘意佢嘅人愛不釋口。
因為海蝦每次都係按人頭上，所以我地重覆點左接近十轉先收口。蝦肉結實爽口，新鮮的確係好食好多。
成餐都差不多淨係食肉同魚，到結尾時再點埋黑椒牛丸同蟹柳就式收肚了。牛丸唔係平時見開啡灰色嗰啲，而係手打牛筋丸所以食落仲清楚食到肉嘅纖維，的確唔錯。
最後嘅蜂巢豆腐因為吸收晒成個湯嘅精華，所以非常入味。我地次次都會係一開始就擺呢個入去吸味。
食埋個酸甜嘅乳酪雪糕，解滯又解辣。食完真係捧住個肚走。百零蚊食到咁飽肚真係抵食之選。
張貼
