宮崎肉本舖 (已結業)

好耐無食燒肉，所以專登黎宮崎食返餐！揀了$698的特上放題，主要有4款A5宮崎牛，再任點2款宮崎牛，再加任食60款追加小食和飲品。因為一早訂好位，所以可以坐到維園景的卡房，更加有私癮度！如果生日或者特別聚會訂座的話會加30分鐘，再坐耐啲。 點到一台野食，好滿足！放工最開心莫過於見到一枱美食！加$100可以任飲啤酒，但因為仲食緊藥，所以留返下次再飲。精選A5宮崎和牛，部份包括：肩里肌、肩口肉、牛肋肉、內後腿肉、外後腿肉及五花腩。肉眼望得到，件件雪花都好靚，好肥美！燒肉前先食一啲沙律打底，蟹子沙律、薯仔沙律、麻醬豆腐，味道都十分不錯，比得上出面居酒屋。再來天婦羅有南瓜、青椒仔、甜薯、茄子、大蝦。炸鵪鶉蛋、生蠔、黑松露餃子、唐揚炸雞等，都好高質。和牛當然係呢度嘅重點，呢個餐啲和牛其實好足夠，二個人食了個拼盤，再encore了2轉外後腿肉，仲加左雞腎、牛肺等，已經好夠。和牛雪花分明，肩里肌、肩口肉和牛肋肉最為肥美，真係入口即溶，內外後腿和五花腩就肉味較濃，油花比較分散，但款款都係好好食！！食下肉要間住食下白粟米、明太子牛油野菌、枝豆等，咁先食到更多！怕膩的可以點白飯，但我則點了龍蝦湯飯去送肉！