部屋咖啡室

星期五放工，同朋友去鬆一鬆，今次揀咗有得食又有得玩既cafe.黑松露雜菇意大利飯（$158）選用正宗意大利米，一嚟到已經香氣滿溢，意大利飯配上芝士、黑松露同埋雜菇，食落黑松露味非常香濃。烤雞磨菇闊條面（$138）有唔少蘑菇同雞肉，烤雞肉唔會嚡口，而且加咗忌廉，食落creamy。蜜糖雞翼（$55）向來係我的最愛，雞翼size唔細，咬落啖啖肉，表面有一層香甜既蜜糖，好滋味！芝士西蘭花（$48）份量唔少，為呢頓晚餐增添唔少健康感。跟餐係朱古力沙漠（加$23）同生薑茶（加$5），兩者味道都唔錯。Cafe入面有唔少board games, 仲有旅遊書，啱哂去旅行要傾行程既朋友。