Lava 燒

營業中

休息中

難得放假，琴日收工就同朋友去happy hour，朋友話之前去過一間酒吧有串燒食，咁我就兩話不說話去試下！！ 去到餐廳同其他酒吧差唔多，燈光柔和又有music令人放鬆不少！可能聽日放假，所以個晚都幾多人！餐廳既串燒唔洗自己燒的！ 所以唔洗怕食完會成身燒烤味！！我地座底後叫左杯hoegarrden 同asahi , 兩杯啤酒大大杯！又夠凍！ 正！！ 之後傾傾下計就叫的串燒送下酒😋🍢🍢🍢🍡🍢見到餐牌都有唔同既串燒食，有肉類有海鮮類同蔬菜類！我地揀下揀下都揀左好多串！燒菠蘿好甜！雞肶菇好香好juicy!!真係唔明點解次次自己都燒得咁乾🙈仲有好好味既大蔥雞串同椒串牛柳！串燒都淹得好入味，而且燒得剛剛好！唔會太燶！牛舌佢就切左粒粒，不過個人覺得少左的口感🤔燒茄子🍆上面仲有蒜蓉粉絲！羊架有用香草淹過，但唔會太咸，食落肉質juicy!不過可能我地一次過叫大多呢，有的串燒食既時候已經放涼左！所以下次去應該要分開叫，慢慢吃同飲啤酒！