放牛牛 (已結業)

一間食店除了食物質素外，服務態度也是相當重要。看到這間新開雪糕店賣相幾靚幾特別，今天下午興致勃勃去試下。因為有我最愛紫色系風牛牛才吸引到我。下午約3時多落單俾錢要風牛牛及火牛牛，沒有紅色，只好轉藍色水牛牛。之後轉到旁邊放單，職員才告訴沒有風牛牛的甜筒，然後我們提議可否轉另一顏色筒，某女職員則晦氣地回答 「公司規定，不能更改」，收銀同製雪糕的職員沒有好好溝通搞到我地好亂，仲要當時無乜人。但同時沒有的火牛牛又出現，我只好轉火牛牛，心想紅色筒+棉花糖都ok la。雪糕最重要都係上面topping 影相姐，但佢竟然話無棉花糖，轉左極普通的棉花糖，賣相已大打折扣，而且朱古力雪糕無特別似巢雀。圖中提及士多啤梨是 液氮冷凍，但只覺得普通生果而已，不過最底的朱古力可可米又幾特別、可口。原本朋友想要火牛牛，但職員說沒有，轉了水牛牛，但製成後又有火牛牛，朋友覺有點無奈。藍色泡泡糖膠片味道一般，而海鹽味雪糕就食不出來，似雲呢拿但味道不錯。要$42 唔多抵食。食杯雪糕要受氣，真係焗鬼氣，無下次！