響 - Hibiki 日本燒肉 (已結業)

今日終於帶到屋企人嚟試呢間燒肉，一直都十分之推介！未食過嘅朋友就一定要去試吓，呢度嘅價錢雖然比出邊嘅燒肉放題可能貴少少甚至一倍，但係食完之後你一定覺得物超所值，而且覺得非常滿足！佢哋要分兩個時段分別係5:30至8點另外一個係8點至到10:30，兩個半鐘話短唔短話長唔長，快樂嘅時間過得特別快，因為呢度嘅食物種類同埋飲品都非常之多，包你大開眼界，真係未試過有間放題可以連紅酒、白酒、清酒、梅酒同柚子酒都係任飲可以同一班朋友，而且質素唔差，可以飲返夠本，大快朵頤！二人同行首先會送波士頓龍蝦二四人同行就會送喜次之，呢條喜次之係一條日本魚，外表有啲似紅衫魚或者大眼雞，烤大概7分鐘，外皮有啲燒焦，但係肉質非常鮮甜而且少骨夠新鮮。另外波士頓龍蝦上枱嘅時候已經一分為二，好多蝦膏蟹鉗，仲可以開埋嚟食，好多蟹肉加埋少少檸角，入口味道真不錯。期待再次同朋友來吃呢！