大喜屋 (已結業)

放題曾經大行其道，最近稍稍回落，有陣時諗唔到食乜都會考慮下放題嘅，貪佢種類較多，唔使煩惱但係要揀好食嘅放題都唔係太多，大喜屋系列係當中比較出色嘅，無論價錢，食物質素都保持到最近去咗文遜大廈嘅大喜屋，晚飯時間唔算太多人，被安排一個卡座，坐得比以往舒服。以往落單都係寫紙仔，一大疊好唔環保 佢哋做咗一啲改革，用QR code落單咁就非常方便啦，既環保又簡單，其他放題都要做啦都係一樣，開頭整輪刺身同壽司先，刺身水準保持，尤其貝類，例如赤貝、馬刀貝、象拔蚌等等，都幾爽口新鮮，再加埋元貝同北寄貝，𩶘魚等等都係我鍾意嘅壽司我都係比較鍾意火炙，例如火炙蟹棒、左口邊魚貪佢夠香熟食方面點左一啲料理，例如一口牛柳粒，炒蜆，鱈魚西京燒，都幾好味㗎，而且份量都幾適中，最後重點左幾串串燒食，已經投降。當然汽水啤酒係任飲，可能年紀大飲一兩罐汽水已經頂唔順，要飲返兩杯熱茶暖下個胃，整體來講二百零蚊任食算係咁啦